Fatmir Matoshi nga AKR-ja ka thënë se një koalicion mes LDK-së dhe VV-së nuk do t’i sillte asnjë të mirë vendit.
Në Interaktiv të KTV-së, ai ka thënë madje se kjo çfarë po bëjnë këto dy parti është njëfarë blofi.
“Mendoj se është një blof politik çështja e koalicionit LDK-VV. Kemi qenë pjesë e koalicionit me LDK-në ku kanë qenë 61 deputetë shqiptarë. Por, s’ka pasur një vullnet të LDK-së e VV-së që të garojnë bashkë. Nëse ata po e përdorin këtë kundër blloqeve tjera, është çështje e tyre. Nëse ka koalicioni LDK-VV, e përshëndesim dhe do të mund të ishim pjesë e një koalicioni të tillë. Por, duhet të dihet se kush do ta udhëheqë atë koalicion, kush do të jetë kryeministër… Kam dyshime që mund të arrihet një koalicion LDK-VV sepse janë shumë të kundërta me njëra-tjetrën, ideologjikisht. Një koalicion i tillë s’do t’i sillte kurrfarë të mire vendit”, theksoi ministri në dorëheqje i Mjedisit.
Për PDK-në, ai tha se partia që ai përfaqëson nuk ka vija të kuqe dhe shton se çështja e vijave të kuqe është kthyer në modë.
“Ne s’kemi vija të kuqe për PDK-në, sepse është bërë modë kjo çështja e vijave të kuqe ndaj PDK-së. Vijat e kuqe për PDK-në vijnë kryesisht nga ish-anëtarë të PDK-së. Moda e përjashtimit të PDK-së nga çdo variant ndoshta është e nxitur edhe nga vet PDK-ja”, tha ai, duke theksuar se AKR-ja s’ka asnjë vijë të kuqe për asnjë parti shqiptare.
Matoshi tha se AKR-ja, edhe si e vetme në garën zgjedhore, do të kalonte pragun. Por, tha ai, në kohën e koalicioneve të mëdha, një parti relativisht e vogël, duke iu referuar AKR-së, mund të mos merrte vota të mjaftueshme.
Duke folur për Labinot Tahirin, deputetin e AKR-së, Matoshi tha ta ketë votuar për deputet, por shtoi se më s’do ta votonte atë.
Ai tha se Kuvendi duhet të shpërndahet më 22 gusht.
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...